Lotteritilsynet opprettheld bingoavslag
Historielaget fekk 25.3.2003 avslag på søknad til Sogn og Fjordane politidistrikt for å drive den bingoen laget har vore med på i ei årrekkje. Grunngjevinga var at laget korkje driv samfunnsgagnleg arbeid eller har aktivitet retta mot born og unge.
Me klaga til Lotteritilsynet, som er klageinstans, og etter at politiet heldt oppe avslaget sitt, felte Lotteritilsynet den endelege domen i saka i brev 10.6.2003:
«Lotteritilsynet finn på denne bakgrunn at formålet for lotteriverksemda fell utanfor det som kan reknast som samfunnsnyttig eller humanitær verksemd i lotterilova si forstand, med den fylgje at laget ikkje kan godkjennast for avhalding av lotteri. Dette er i samsvar med Lotteritilsynet sin praksis i likande saker med tilsvarande utfall. Av desse sakene kan nemnast Askøy Museumslag, Stiftelsen Norsk Kystkultursenter, Vallø og Omegn Historielag, Brandval Historielag, Askim Historielag, Berntine Maritimt Historielag og Bjørkedal Historielag. (…) Dette vedtaket er endeleg og kan ikkje påklagast vidare.»
Jostedal Historielag er såleis i godt samfunnsunyttig selskap. Dermed får bingoen til Edvin gå vidare utan oss!
Publisert av Oddmund, 22. oktober 2003 under Lagsdrift.
Kommentarar: ingen
Skriv ein kommentar