Jostedal historielag

Du er her: Heim > Kyrkjehistorie > Prestar i Jostedalen ca. 1300-1975

Prestar i Jostedalen ca. 1300-1975

Ca. 1320 Asle/Atle prest [dok 1318-19] [dok 1322-23]
   (1596: det fyrste sporet av prest og kyrkje etter øydetida)
1603-1620(?) Jens/Jonas Jonassøn [omtale 1895]
1621-1634(?) Michael Nielssen [omtale 1895] [dok 1625]
1635-1652 Otto Ravn [omtale 1895] [2 dok 1636]
1652-1703 Tøger Jensen [omtale 1895] [9 dok 1653-67]
1703-1724 Henrik Nitter [omtale 1895] [3 dok 1703]
1725-1731 Hans Wingaard [omtale 1895] [skildring 1762]
   (1731-1732 Ole Morsing hadde kallsbrev, men overtok aldri prestekallet)
1732-1733 Hans Christian Frørup [omtale 1895]
1733-1738 Rasmus Wibye [omtale 1895]
   (1738 Christopher Munthe (sokneprest i Hafslo) vikarierte)
   (1739 Hans J. Grøn (kapellan i Vik) vikarierte)
   (1739-1742 Gjert Geelmuyden (kapellan i Leikanger) vikarierte) 
1742-1792 Matthias Foss [eiga nettside]
1792-1801 Ole Aabel [omtale 1895] [dok 1800] [NRK]
1801-1806 Johan Henrik Lind [omtale 1895] [visitasar 1802/06]
1807-1812 Andreas Cordsen [omtale 1895]
1812-1820 Holger Halling Schjødt [omtale 1895]
   (1820-1822 var Jostedalen utan prest grunna mangel på søkjarar)
1822-1823 Peder Pavels Aabel [omtale 1895] [visitas 1823] [NRK]
   (1823-1828 styrte Aabel presteembetet frå Sogndal)
1828-1834 Bernt Anker Leigh [omtale 1895]
1834-1840 Kjeld Andreas Bugge [omtale 1895]
1840-1845 Michael Sundt Tuchsen Fasting [omtale 1895]
1845-1853 Christian Bastholm Heltberg [omtale 1895]
1853-1867 Ole Christian Rasch [omtale 1895]
1868-1875 Andreas Emil Hansen [omtale 1895]
1876-1883 Anton Hansen [omtale 1895]
1884-1890 Wollert Johan Lyder Frich [omtale 1895]
1890-1903 Theodor Julius Børresen [omtale 1895]
1903-1906 Ragnvald Cornelius Knudsen
1906-1912 Amund Frøese
1913-1915 Carl Fredrik Falkenberg
1916-1920 John Rongved
1923-1929 Johannes Oscar Langmuir (Oscar Michelsen)
1930-1952 Svein Medhus
1952-1958 Dreng Harstad
1959-1966 Gustav Einar Roti
1968-1975 Jan Bernhard Klausen

Den 1. juli 1967 vart prestegjeldsgrensene regulerte. Jostedal prestegjeld vart utvida med Gaupne sokn i Luster prestegjeld og soknene Fet og Joranger i Hafslo prestegjeld. Jan Klausen var den siste soknepresten som budde i Jostedal prestegard (til 1975).

Kjelder og merknader

Det er ført opp kva år dei kom til Jostedalen og overtok prestekallet. I somme tilfelle kan dei ha vorte utnemnde året før.

Opplysningane før 1700 er usikre. Før Henrik Nitter vart utnemnd i 1703 har ein ikkje søknader og kallsbrev. Særleg usikker er tida før Tøger Jensen vart prest ca. 1652. Frå det kom nybyggjarar og prest til dalen ein gong på 1500-talet (jf. skattelista 1596) til 1630-åra veit ein heller ikkje stort om prestegjeldsinndelinga, altså om Jostedalen var eige prestekall eller låg under Luster (eller Hafslo).

Dei viktigaste biografiske oversyna over prestane i Jostedalen (kronologisk):

Albert Hattings prestehistorie frå 1770-åra er eit viktig grunnlag for dei som har skrive om dette seinare - sjå eiga omtale.

Kalds-Bog for Justedals Præstegjæld begyndt 1830 [digital utgåve]
Merknad: Dei historiske opplysningane om prestane før 1830 vart førte inn av Bernt Anker Leigh då kallsboka vart teken i bruk, og desse opplysningane til dels temmeleg ufullstendige og upresise. Det mest verdfulle med desse omtalene er at ein del vurderingar og forteljingar/segner om tidlegare prestar er tekne med. Leigh har òg nytta ein del skriftlege kjelder (kyrkjebøkene, kyrkjestolane, 1600-talsdokumenta om kornrettane og Hatting-manuskriptet). For prestane frå og med 1830 er dette ei god primærkjelde sidan prestane har ført inn korte biografiar om seg sjølve i boka.

Lampe, Johan Fredrik. (1895). Bergens stifts biskoper og præster efter reformationen. Biografiske efterretninger. Kristiania: Cammermeyer. [digital utgåve - ref. ovanfor som omtale 1895]
Merknad: Framleis eit sentralt referanseverk for prestehistoria i Bergen bispedøme og viktig for seinare framstillingar. Men somme opplysningar i verket kan vere unøyaktige og ufullstendige.

Laberg, Jon. (1948). Jostedal. Ei stutt utgreiding om bygdi og folket der. Tidsskrift utgjeve av Historielaget for Sogn (nr. 13), 177-200. [digital utgåve - del 3, s. 181-191]
Merknad: Laberg si framstilling av prestane har vore mykje lesen og referert, og han må ha nytta ein god del munnlege kjelder (forteljingar, segner). Som for dei andre eldre verka bør opplysningar sjekkast.

Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune. [omtale og peikar til fulltekstutgåve i NBdigital]
Merknad: Her finn ein samla dei grundigaste og mest pålitande biografiske omtalene av prestane. For dei tidlegaste prestane har han likevel måtta stø seg på dei eldre og usikre framstillingane.

 Skriv | Send |

Kjeldereferanse

[løyn referanse]

APA:

Hoel, Oddmund L.. (2007). Prestar i Jostedalen ca. 1300-1975. Henta 09.09.2010, frå Jostedal historielag: http://www.historielaget.jostedal.no/?page_id=108

Chicago:

Hoel, Oddmund L.. 2007. Prestar i Jostedalen ca. 1300-1975. Jostedal historielag. http://www.historielaget.jostedal.no/?page_id=108 (vitja 09.09.2010).

Harvard:

Hoel, O 2007, Prestar i Jostedalen ca. 1300-1975, Jostedal historielag. Henta 09.09.2010, frå <http://www.historielaget.jostedal.no/?page_id=108>

MLA:

Hoel, Oddmund L.. "Prestar i Jostedalen ca. 1300-1975." 17.05.2007. Jostedal historielag. Vitja 09.09.2010. <http://www.historielaget.jostedal.no/?page_id=108>

Publisert av Oddmund, 17.05.2007 (sist endra 02.09.2010)

Kommentarar