Det er samla inn stadnamn i Jostedalen i fleire omgangar.
Skuleborninnsamlinga i 1930-åra
I 1932 vart det sett i gang ei stor nasjonal innsamling der skuleborn skreiv ned stadnamn som var kjende i heimen, på eigne skjema. Namna vart ikkje kartfesta. Det vart samla inn namn i alle fem skulekrinsar, men listene for Myklemyr krins er seinare komne bort.
Les meir: Om skuleborninnsamlinga (Fylkesarkivet)
Frøysadal-samlinga (1959)
Namnegranskaren Øystein Frøysadal samla sommaren 1959 inn ei rekkje stadnamn i Jostedalen. Denne samlinga kom for ein dag på Universitetet i Bergen i 2002. Samlinga er på 3400 namn og dekkjer 20 av 26 matrikkelgardar. Ho vart digitalisert av Universitetet i Bergen i 2005 i samarbeid med Jostedal historielag, og samlinga har gått som ein del av materialet til det store stadnamnprosjektet i Luster.
Les meir: Stor stadnamnsamling frå 1959 har dukka opp (JSA, 2003)
Nedrelid-samlinga (kring 1980)
Jostedalens eigen namnegranskar, Gudlaug Nedrelid, samla inn fleire hundre stadnamn frå matrikkelgarden Nedrelid kring 1980. Kartotekkorta er digitaliserte og tilgjengelege i stadnamnbasen til Universitetet i Oslo.
Les meir/gå til samlinga: Stadnamnbasen (UiO)
Stadnamnaksjonen i Sogn og Fjordane 1980-åra
Fylkesarkivet sette i gang ei stor innsamling av stadnamn i 1985/86, som òg vart gjennomført i Jostedalen. Frå denne innsamlinga ligg det føre eit omfattande og godt materiale med namnelister og kartfestingar av namna.
Les meir: Om stadnamnaksjonen 1985/86 (Fylkesarkivet)
Stadnamnprosjektet 2002-2015
Sjå eiga side.
Publisert av Oddmund, 07.07.2015 (sist endra 08.07.2015)
Skriv ein kommentar