{"id":2729,"date":"2013-08-14T00:51:27","date_gmt":"2013-08-13T22:51:27","guid":{"rendered":"http:\/\/www.historielaget.jostedal.no\/?page_id=2729"},"modified":"2014-06-14T21:08:52","modified_gmt":"2014-06-14T19:08:52","slug":"flaumen-i-1898","status":"publish","type":"page","link":"https:\/\/www.historielaget.jostedal.no\/?page_id=2729","title":{"rendered":"Flaumen i 1898"},"content":{"rendered":"

Flaumen i Jostedalen 15. august 1898 var den st\u00f8rste i manns minne og n\u00e5dde kring 1 meter over den h\u00f8gste vasstanden som var kjend fr\u00e5 tidlegare. Flaumen var valda av mykje nedb\u00f8r kombinert med varmt ver som f\u00f8rte til stor sn\u00f8- og bresmelting. \u00a0Det l\u00e5g att mykje sn\u00f8 i fjellet. B\u00e5de datoen og flaum\u00e5rsaka var s\u00e5leis den same som for flaumen i 1979 <\/a>som gjekk 1,35 meter over flaummerket fr\u00e5 1898 i Foss\u00f8yane.<\/p>\n

Skade p\u00e5 gardar og vegar<\/strong><\/p>\n

\"En<\/a>Vatnet vert rapportert \u00e5 ha g\u00e5tt 2 alen (ca 1,3 m) over golvet i somme hus. Hardast r\u00e5ka var gardane p\u00e5 Myklemyr og i Foss\u00f8yane. Her var vasstanden p\u00e5 sitt h\u00f8gste kl 3 natt til m\u00e5ndag 15. august. Under flaumen flykta kring 60 menneske p\u00e5 Myklemyr og 40 i Foss\u00f8yane fr\u00e5 husa sine. Dei fyrste rykta som n\u00e5dde ut i Sogn, gjekk ut p\u00e5 at 200 menneske hadde drukna. Ingen menneskeliv og visstnok heller ingen husdyr gjekk tapt, men dei materielle \u00f8ydeleggingane var sv\u00e6rt store, og mange miste levebr\u00f8det sitt. Fire bruer, av dei to temmeleg nye, vart tekne av flaumen, og eit parti av den nye vegen i Hauk\u00e5sgj\u00f8let rasa ut. Elva \u00f8ydela mykje dyrkamark og avlingar og la att evje (partiklar fr\u00e5 breane) p\u00e5 jorda. 20 familiar med 120 menneske miste s\u00e5 godt som heile avlinga, og sju familiar med kring 60 menneske var meir eller mindre skadelidne. Skadane p\u00e5 avlingane vart rett etter flaumen stipulerte til kr 7400, og gardbrukarane rekna med at skadane p\u00e5 jorda kom opp i eit like h\u00f8gt bel\u00f8p.<\/p>\n

Hjelpearbeidet<\/strong><\/p>\n

Jostedal kommune var fattig og lite i stand til \u00e5 hjelpe dei skadelidne, og sj\u00f8lv om dei materielle skadane var st\u00f8rre i 1979, var verknadene av 1898-flaumen meir dramatisk for bygda. Aftenpostens korrespondent sa det slik i stykket sitt om flaumen 27. august:<\/p>\n

Om man end maa v\u00e6re taknemlig over, at intet Liv er gaaet tilspilde, kan man ikke noksom beklage, at Ulykken netop har rammet Jostedalen, der er et af vore fattigste og magreste Distrikter.<\/p>\n

P\u00e5 vegne av bygdefolket tok sokneprest Theodor B\u00f8rresen <\/a>initiativet til ein innsamlingsaksjon i hovudstadspressa<\/a>. Kommunestyret valde 1. oktober ein komite for \u00e5 fordele dei innsamla g\u00e5vene, og der sat sokneprest B\u00f8rresen, lensmann Hermund Tvedt<\/a>, sparebankkasserar Nils H. Bruheim <\/a>og to gardbrukarar fr\u00e5 dei hardast r\u00e5ka grendene: Ole J. Skj\u00e6ret og John O. Fos\u00f8en.<\/p>\n

Storflaumen sette fart i bygginga av dei fyrste flaumverka <\/a>i Jostedalen.<\/p>\n

Les meir<\/strong><\/p>\n