![\"\"](\"http:\/\/www.historielaget.jostedal.no\/wordpress\/wp-content\/upLoads\/IMG_1752-Foto-Valborg-Hel\u00f8y-150x112.jpg\" "\\"Berget,")
I silande regn den 9. juni i \u00e5r k\u00f8yrer Harald Haugen og eg til Berget. Me er tidleg ute og vil sj\u00e5 over husi og tunet, slik at alt er i orden, f\u00f8r gjestene kjem. S\u00e5 lettar veret, me kastar regnkledi og st\u00e5r p\u00e5 d\u00f8rhella, p\u00e5 500 moh., og tek i mot.<\/p>\n
Bakgrunnen for vitjinga er at Luster Kommune er ein av fire kommunar som er med i eit pilotprosjekt: «Registrering av kulturhistorisk verdifulle landbruksbygningar». Det er Landbruks- og matdepartementet som har starta dette registreringarbeidet. Det er utpekt ei arbeidsgruppe p\u00e5 fem medlemmer fr\u00e5 forskjellige institusjonar i landet<\/p>\n
I Luster er det valt ut 22 gardar, der alle bygningar og spor etter bygningar skal registrerast. For Jostedalen er det, utover Berget, Nedrelid, Halveg, Espe s\u00f8r, Lundahaugen, Kruna og Li.<\/p>\n
![\"\"](\"http:\/\/www.historielaget.jostedal.no\/wordpress\/wp-content\/upLoads\/IMG_1806-Foto-Valborg-Hel\u00f8y-150x112.jpg\" "\\"Synfaring")
Landbrukssjef Steinulf Skjerdal og kultursjef Erling Bj\u00f8rnetun er ansvarlige for prosjektet i Luster. Hans Moseng og Valborg Hel\u00f8y er leigde inn for og gjere sj\u00f8lve registreringsarbeidet.<\/p>\n
Fire fr\u00e5 Arbeidsgruppa bes\u00f8ker oss i Berget:\u00a0Sverre Steinnes, Riksantikvaren, Tore Bj\u00f8rkli, Landbruksavdelinga hj\u00e5 Fylkesmannen i S\u00f8r-Tr\u00f8ndelag,\u00a0Sebastian Eiter, Norsk institutt for skog og landskap og Jon Gunnar Weng, Landbrukskontoret for Askim, Hob\u00f8l og Spydeberg. I tillegg m\u00f8ter Steinulf Skjerdal og Valborg Hel\u00f8y fr\u00e5 Luster kommune.<\/p>\n
Harald og eg visar rundt og fortel om Berget og om kva Jostedal Historielag gjer her. Det er tydeleg at gjestene er imponerte over Berget, ikkje minst over den storslegne naturen og utsikta, men ogs\u00e5 dei vakre og stemningsfulle bygningane. Dei sl\u00e5r raskt fast at det ein plass som er sers viktig \u00e5 ta vare p\u00e5.<\/p>\n
Etter bes\u00f8ket vart vi inviterte til mat i \u201cGamlestova\u201d p\u00e5 Gjerde. Her f\u00e5r Harald og eg h\u00f8ve til og fortelje meir om Berget og om folki som levde der. Serleg tok vi fram minne om den siste bonden, Jon O. Berget. Ein spennande og mangslungen kar tykte tilh\u00f8yrarane. Gjestene var ogs\u00e5 interesserte i \u00e5 h\u00f8yre noko om jordbruket i dalen i gamle dagar, om gamle ferdavegar over Breen, fedrifter og handverk. Vi fortalte alt vi kunne og meir til!<\/p>\n