{"id":2971,"date":"2014-09-18T10:37:15","date_gmt":"2014-09-18T08:37:15","guid":{"rendered":"http:\/\/www.historielaget.jostedal.no\/?p=2971"},"modified":"2014-09-18T11:20:38","modified_gmt":"2014-09-18T09:20:38","slug":"200-ar-sidan-det-andre-valet-i-jostedalen","status":"publish","type":"post","link":"https:\/\/www.historielaget.jostedal.no\/?p=2971","title":{"rendered":"200 \u00e5r sidan det andre valet i Jostedalen"},"content":{"rendered":"

\"Val<\/a>«De Stemmeberettigede valgte Rasmus Hansen Heljegaard til at m\u00f8de som Repr\u00e6sentant paa Wig\u00f8ren i Anledning af et extraordinairt Storthing, som skulde holdes d. 7d October i Christiania.»<\/p>\n

Dette hende for 200 \u00e5r sidan i dag, kan kyrkjeboka for Jostedalen <\/a>fortel oss. 15. sundag etter trinitatis\u00a0fall i 1814 p\u00e5 18. september, som var p\u00e5 dagen seks m\u00e5nader etter valet til riksforsamlinga\u00a0i Jostedalen. Sokneprest Holger Halling Schj\u00f8dt <\/a>introduserte same sundagen Brita Baggetun og Gunilde Ormberg etter barsel og hadde ei jordp\u00e5kasting.<\/p>\n

Gardbrukaren\u00a0Rasmus Heljegarden<\/a>\u00a0var 27 \u00e5r og den nest yngste av dei tolv fyrste josted\u00f8lene som skaffa seg r\u00f8ysterett. Det skjedde d\u00e5 dei svor eid til grunnlova p\u00e5 bygdetinget<\/a> for Luster og Jostedalen i Dale \u00e5tte dagar f\u00f8r. Rasmus m\u00f8tte p\u00e5 valtinget for Nordre Bergenhus amt i Vik 23. september<\/a>\u00a0som representant for Jostedal prestegjeld. Der vart dei fire stortingsrepresentantane for fylket\u00a0valde. Mellom dei fire var gardbrukaren og haugianaren Torgeir N\u00e6ss<\/a> fr\u00e5 Luster.<\/p>\n

V\u00e5ren 1814 hadde br\u00f8rne T\u00f8ger Kruna og Rasmus F\u00e5berg representert Jostedalen p\u00e5 amtsm\u00f8tet som valde utsendingane til riksforsamlinga p\u00e5 Eidsvoll. Det g\u00e5r ikkje fram av kjeldene kvifor nettopp Rasmus vart vald 18. september.<\/p>\n

Kong Kristian Fredrik m\u00e5tte skrive ut ut val til det ekstraordin\u00e6re Stortinget etter at Noreg hadde tapt krigen mot Sverige\u00a0 sommaren 1814. Stortinget som kom saman, valde svenskekongen Karl Johan til norsk konge og vedtok \u00e5 g\u00e5 i union med Sverige.<\/p>\n

Meir om 1814 i Jostedalen:<\/strong><\/p>\n