Jostedal historielag

Du er her: Bank og næringslivJostedal sparebank

Jostedal sparebank

Jostedal sparebank vart grunnlagd i 1895 på verdiane i Jostedal bygdemagasin som same året vart nedlagt. Frå 1907 hadde banken lokale i kommunehuset på Bruvoll i Sagarøy, og frå 1949 i det nye kommunehuset i Sagarøy.

Som mange andre bankar fekk Jostedal sparebank problem under den økonomiske krisa i mellomkrigstida, og i 1936 gjekk banken konkurs. Året etter vart ein ny bank skipa, og på grunn av den svake økonomien i bygda gjekk staten inn med 1/3 av grunnfondet, noko som var eit reint unntak på den tida. Statssekretær Morten Søberg heldt i 2012 eit føredrag om dette, og historielaget har overteke kjeldene som Finansdepartementet skaffa fram i samband med føredraget (sjå nedanfor).

Drøftingane om ei samanslåing med Hafslo sparebank og Luster sparebank kom i gang i samband med kommunesamanslåinga i 1963, og til slutt vart fusjonen realisert og sett i verk frå 1975. Deretter hadde Luster sparebank filial i Jostedalen i kring 20 år.

Mykje av arkivet til banken gjekk tapt i storflaumen 1979 då Sagarøyelvi tok vegen gjennom kjellaren i kommunehuset der bankarkivet låg.

Dokument:

• Bankdokument 1936-38 og 1971-72 – del 1 (pdf)
• Bankdokument 1936-38 og 1971-72 – del 2 (pdf)
• St.prp. nr. 10 (1937) Om statstilskot til skiping av nye sparebankar (pdf)

Litteratur/omtaler:

• Jostedal sparebank – utdjupande artikkel (lokalhistoriewiki.no)
• Direksjonen i Jostedal sparebank (lokalhistoriewiki.no)
• Jostedal sparebank (Fylkesleksikon, NRK Sogn og Fjordane)
• Dødvinklar i den nynorske offentlegheita: Fjærland privatbank og Jostedal sparebank, føredrag av Morten Søberg 10.5.2012

| |

Kjeldereferanse

[løyn referanse]

APA:

Hoel, Oddmund L.. (2012). Jostedal sparebank. Henta 24.04.2024, frå Jostedal historielag: https://www.historielaget.jostedal.no/?page_id=2398

Chicago:

Hoel, Oddmund L.. 2012. Jostedal sparebank. Jostedal historielag. https://www.historielaget.jostedal.no/?page_id=2398 (vitja 24.04.2024).

Harvard:

Hoel, O 2012, Jostedal sparebank, Jostedal historielag. Henta 24.04.2024, frå <https://www.historielaget.jostedal.no/?page_id=2398>

MLA:

Hoel, Oddmund L.. "Jostedal sparebank." 28.08.2012. Jostedal historielag. Vitja 24.04.2024. <https://www.historielaget.jostedal.no/?page_id=2398>

Publisert av Oddmund, 28.08.2012 (sist endra 13.09.2012)