Main menu:

Undersider for Folk, gardar og stølar:

    Du er her: Folk, gardar og stølarSkattelister og matriklarKongetienda 1632

    Kongetienda 1632

    I 1620-åra fekk presten kongetienda i Jostedalen. I tiendemanntalet for 1632-33 var det slutt på denne ordninga, og her får ein for fyrste gong vite kor mykje kvar bonde ytte i tiende.

    Avskrift

    [oppslag 1]

    Kong:Maytz: Thiende Register paa Huiss thiende koren, Vdi Sogen Lehn Oppebaarit, ehr Beregnit for et Aar fra St Filippi Jacobi Dags [=1. mai], Anno 1632 Och till Aarsdagenn Anno 1633.

    [oppslag 4]

    Jøstedallenn

    Anders Faberrig 1 mele
    Johannes ibm 1 mele
    Gamle Olluff Lij 1 ½ mele
    Jens Mielduehr 1 mele
    Anders Jbm 1 mele
    Olluff Jbm 1 ½ mele
    Anders i Grouff 1 ½ mele
    Anders Snøtun 1 mele
    Siffuer Crone 1 ½ mele
    Joen Helligaard 1 mele
    Thosten Hougen 1 mele
    Olle Espe 1 mele
    Ohlle Kregen 1 mele
    Aamund [og] Joen Berig[?] [Bjørk] 1 ½ mele
    Lauritz Bache 2 meler
    Vnge Olluff Lij 1 mele
    Peder Sperlen 1 mele
    Elling Fossen 1 mele
    Mattis Ormberg 1 mele
    Olluff Mychelmyr 1 mele
    Rasmus Jbm 1 ½ mele
    Anders i Aasen 1 ½ mele
    Arne Bruemb ½ mele
    Olluff ElffeKrogen —
    Lasse och Bendicht Behrsetter —

     

    Summa forskrevne Thiende Beløber
    Korn – 2 ½ tønde 2 meler

    Kjelde

    Riksarkivet. Rentekammeret inntil 1814. Reviderte regnskapar, Lensrekneskapar. Bergenhus len. Tiendemanntal Sogn, 1.5.1632-1.5.1633 (Skanna utgåve, Digitalarkivet)

    Merknad

    1 tønne = 10 mæler (1 mæle = 16,2 liter).

    Tiendemanntala for 1620-21, 1626-27 og 1627-28 slo fast at sokneprest Mikkel Nilsson i Jostedalen skulle ha kongetienda på grunn av dei ringe vilkåra for presten. I det neste bevarte tiendemanntalet frå 1631-32 er Jostedalen ikkje nemnd. Men i 1632-33 er Jostedalen altså komen inn att, og no betalte jostedalsbøndene kongetienda til kongen.

    I tiendemanntalet står Jostedalen etter Hafslo prestegjeld. Sokna i Hafslo er lista opp med tillegget «…annex» i overskrifta, og prestegjeldet er summert før «Jøstedallenn» (utan «annex») byrjar. Det er såleis heilt klart at Jostedalen her ikkje vart rekna som annekssokn til Hafslo, slik tilfellet var 1615-18.

    Luster (Dale) prestegjeld leverte eigne tiendemanntal og er såleis ikkje med i tiendemanntala for Sogn futedøme. Jostedalen er både i 1624-26 og 1632 nemnd som annekssokn til Luster, men dette galdt ikkje i skattesamanheng, og Jostedalen var aldri ein del av dei separate futerekneskapane for Luster prestegjeld.

    Det er uvisst kva endringa kom av. Mikkel Nilsson døydde ikkje før ein gong mellom 1.5.1634 og 1.5.1635, så tienda må ha vorte teken frå han medan han levde. Simen Nielssøn vart avløyst av Peder Paasche som fut i Sogn i 1629/30, så det kan ha vore ei forklaring. Det kan òg ha samanheng med at Jens Juel tok over som lensherre over Bergenhus i 1629 og ikkje ville fornye privilegia som Mikkel må ha fått av Knut Gyldenstjerne Henrikssøn, lensherre 1619-27. Det kan òg ha samanheng med det auka skattetrykket i siste halvdel av 1620-åra. Men dette er det ikkje mogleg å slå fast sikkert.

    | |

    Publisert av Oddmund, 27.08.2012 (sist endra 31.08.2012)

    Skriv ein kommentar