Main menu:
- Heim
- Bøker og blad
- Jostedalsrypa
- Jostedalsskildringa av Matthias Foss (1750)
- Stadnamn
- Jostedalen fram til 1500-talet
- Topografiske skildringar
- Skred, flaumar og brevekst
- Kyrkjehistorie
- Målreising
- Jostedal kommune
- 1814, 1905, val og folkerøystingar
- Folk, gardar og stølar
- Samferdsel og reiseliv
- Bank og næringsliv
- Kraftutbygging
- Kulturminne
- Fangstanlegg i fjellet
- Bilete
- Utstillingar
- Om laget
- Om nettstaden
- Kontakt/styre/konto
- Peikarar
Undersider for Kraftutbygging:
Breheimenplanen (1973)
NVE gav i 1966 Direktoratet for Statskraftverka i oppdrag å lage ein samla plan for kraftutbygging i Breheimen og Vest-Jotunheimen. Utbyggingsplanen med konsesjonssøknad vart oversendt Olje- og energidepartementet i 1973. Planen dekte eit svært stort område og ville bli den mest omfattande kraftutbygginga i Noreg (ca 5000 GWh i gjennomsnittleg årsproduksjon).
Planane hadde to hovudalternativ, «Øvre Otta utbygd austover» og «Øvre Otta mot vest». Alternativa var like for Jostedalen: Vatn frå høgfjellsmagasin i Kupevatnet og Styggevatnet/Austdalsvatnet skulle utnyttast i Fåbergstøl kraftverk, gå inn i eit kunstig magasin på Fåbergstølsgrandane og så sendast vidare under breen til Lodal kraftverk, ned i Lovatnet og gjennom Loen kraftverk ut i fjorden.
Planane var svært omstridde, og Statskraftverka trekte i 1977 attende alternativet «Øvre Otta mot vest». NVE bad Statskraftverka lage nye planar for separate utbyggingar av vassdraga. Då var Leirdølautbygginga alt gjennomført (1974-78), og fleire vassdrag var verna (som Mørkridsvassdraget) eller i ferd med å bli verna. Breheimenplanen vart så i 1980 redusert til ei utbygging av Jostedalsvassdraget (gjennomført 1984-89). Vassdraga i Stryn vart seinare verna og ei redusert Øvre Otta-utbygging vart gjennomført 2002-05.
Les meir
- Breheimenutbygginga – utdjupande artikkel (lokalhistoriewiki)
- Jotunheimen-Breheimen-planen (Fylkesleksikon, NRK Sogn og Fjordane)
- Andersen, Bjørg Marit, m.fl. (red.). (1978). Etter oss? Om framtida for Jotunheimen og Breheimen. Ås. (Digital utgåve, NBdigital)
- Garmo, Torgeir T., Hjalmar Munthe-Kaas Lund, og Inger Heiberg. (1978). Den korte sannhet. Momenter til Stortingets behandling av utbyggingsplanene for Jotunheimen/Breheimen. Oslo: Grøndahl. (Digital utgåve, NBdigital)
| |
Kjeldereferanse
Publisert av Oddmund, 21.08.2013 (sist endra 22.08.2013)
Skriv ein kommentar