Main menu:
- Heim
- Bøker og blad
- Jostedalsrypa
- Jostedalsskildringa av Matthias Foss (1750)
- Stadnamn
- Jostedalen fram til 1500-talet
- Topografiske skildringar
- Skred, flaumar og brevekst
- Kyrkjehistorie
- Målreising
- Jostedal kommune
- 1814, 1905, val og folkerøystingar
- Folk, gardar og stølar
- Samferdsel og reiseliv
- Bank og næringsliv
- Kraftutbygging
- Kulturminne
- Fangstanlegg i fjellet
- Bilete
- Utstillingar
- Om laget
- Om nettstaden
- Kontakt/styre/konto
- Peikarar
Undersider for Stadnamn:
Stadnamnprosjektet 2002-2015
Stadnamnprosjektet kom i gang hausten 2002 som eit samarbeid mellom dei tre sogelaga i Luster kommune, Hafslo sogelag, Jostedal historielag og Luster sogelag. Initiativet kom frå Per Arvid Hauge, Skjolden. Kristen Ormberg representerer Jostedal historielag i den felles stadnamngruppa. Føremålet med prosjektet har vore å fullføre registreringa av stadnamn frå 1980-åra som vart gjennomført i varierande grad i dei ulike delane av kommunen.
I det nye prosjektet er tidlegare registreringar gjennomgådde, kontrollerte og supplerte. Alle namn er kartfeste, og det er gjort opptak av uttaleformene. Alt materiale er overlevert til Fylkesarkivet i Sogn og Fjordane som har sytt for at fagpersonar har gått gjennom alle namnepostane og gjeve namna mest mogleg korrekte normerte skriveformer. Deretter er alle namna lagde inn i den felles stadnamnbasen for fylket. Namna vert då tilgjengelege på Internett, både gjennom søk i databasen og gjennom digitale kart.
Det lokale arbeidet er i all hovudsak drive på dugnad med litt betalt arbeidshjelp i avgrensa periodar. Luster kommune har teke alle kostnader med Fylkesarkivet sitt arbeid med namna og ytt tilskot til den lokale stadnamngruppa.
Juli 2015: Namna mellom Fossøyane og Leirmo manglar, men elles er det meste på plass.
Status sommaren 2015: Alle stadnamn frå Jostedalen er oversende til Fylkesarkivet. Dei fleste namna er tilgjengelege på Internett, og resten skal kome i løpet av året.
Til samlinga: Namnebasen til Fylkesarkivet
Det har kome jamlege meldingar om arbeidet gjennom åra. Her er eit utval:
- Stadnamnmøte i Luster (19.2.2015)
- Stadnamn frå Jostedalen ut på nettet (14.5.2013)
- Søknad om midlar til stadnamnprosjektet (med status og planar 30.8.2011)
- Dalføre med tusenvis av namn (Sogn Avis, 26.2.2007)
- Stadnamnprosjektet i Jostedal, av Ann Kristin Sperle (JSA 2006)
- Status for stadnamnprosjektet – Ann Kristin Sperle engasjert (17.2.2006)
- Stor stadnamnsamling frå 1959 har dukka opp, av Oddmund Hoel (JSA 2003)
- Stadnamnprosjektet i Luster, av Kristen Ormberg (JSA 2003)
| |
Kjeldereferanse
Publisert av Oddmund, 08.07.2015 (sist endra 08.07.2015)
Skriv ein kommentar