Jostedal historielag

Du er her: KyrkjehistorieDokument frå 1600-taletTi dokument 1636-1667 (avskrift 1823)

Ti dokument 1636-1667 (avskrift 1823)

Documenter angaaende Jystedahlens Præst og Kirke fra 17de Hundr. (avskrift 1823) (30 Mb) (Foto: UBB, Spesialsamlingene)

Innhald

Dei fleste 1600-talsdokumenta om kyrkja og presteembetet i Jostedalen vart i 1823 samla i ei avskrift på 12 blad. Avskrifta er i gotisk handskrift og delt inn i fem nummererte kapittel (med peikarar til eigne avskrifter og omtaler av dokumenta):

• No. 1 [a]: 1636, 28. oktober, frå Jens Bjelke
• No. 1 [b]: 1653, 3. mai, frå Ove Bjelke
• No. 1 [c]: 1664, 9. august, frå Tøger Jensson
• No. 1 [d]: 1664, 13. august, frå Titus Bülche
• No. 1 [e]: 1667, 20. februar, frå Theocharus Joannis Breumius [Tøger Jensson]
• No. 1 [f]: 1667, 6. mars, frå Georg Reichwein
• No. 2: 1636, 16. mars, frå Jens Bjelke
• No. 3 [a]: 1655, 29. mai, bøneskriv frå allmugen
• No. 3 [b]: 1656, 23. januar, frå Ove Bjelke
• No. 4: 1656, 6. januar, synfaring av den gamle kyrkja
• No. 5: 1660, 2. oktober, synfaring av den nye kyrkja

Merk: Dokumenta som er samla under No. 1 [a-f] utgjer avskrifta frå ca. 1670. Berre eitt av dei kjende dokumenta frå 1600-talet er ikkje med i 1823-avskrifta, og det er brevet frå biskopen 1625.

Avskrift

[Følg peikarane ovanfor for å koma til avskrifter av dei einskilde dokumenta.]

[Stadfesting sist i dokumentet:]

At alle ovenstaaende 5 Documenter angaaende Jystedahlens Præst og Kirke ere ordrette og med Hensyn til Orthografie og Interpunktion rigtige Afskrifter av de mig foreviste høyst untilerede(?) og defecte Originaler bevidnes.
Evindvigs Præstegaard d: 28de September 1823. Niels Dahl. —

Merknad

Avskrifta ligg i Manuskriptsamlinga til Universitetsbiblioteket i Bergen. Katalognummeret er Ms 203, e, “Optegnelser om Justedalens kirke” (sjå arkivkatalogen).

Niels Dahl var prost i Ytre Sogn, og det kan synast noko underleg at han har fått fatt i desse dokumenta i 1823. Det er rimeleg å tru at samanhengen var slik, sjølv om me ikkje kan vere sikre: Den historieinteresserte biskop Jacob Neumann var på visitas i Jostedalen i juli 1823. Her fann han ein del gamle dokument i prestegarden, som han tok med seg. På returen til Bergen har han vore innom Niels Dahl i Eivindvik og sett han i gang med å lage ei avskrift av dokumenta. Dahl var både interessert og kompetent i historiske og antikvariske spørsmål, og uansett var det nok ikkje aktuelt å seie nei når biskopen bad om ei slik teneste.

At fleire av desse dokumenta var i prestegarden før Neumann kom der i 1823, kan me iallfall vere sikre på. I «Justedalens kortelige Beskrivelse» (skrive 1750) gjev Matthias Foss att heile brevet frå Jens Bjelke 16. mars 1636, som er dokument nr. 2 i 1823-avskrifta. Foss refererer òg detaljar om kyrkjebygginga som tyder på at han må ha hatt synfaringsdokumentet frå 2. oktober 1660.

| |

Kjeldereferanse

[løyn referanse]

APA:

Hoel, Oddmund L.. (2009). Ti dokument 1636-1667 (avskrift 1823). Henta 24.04.2024, frå Jostedal historielag: https://www.historielaget.jostedal.no/?page_id=696

Chicago:

Hoel, Oddmund L.. 2009. Ti dokument 1636-1667 (avskrift 1823). Jostedal historielag. https://www.historielaget.jostedal.no/?page_id=696 (vitja 24.04.2024).

Harvard:

Hoel, O 2009, Ti dokument 1636-1667 (avskrift 1823), Jostedal historielag. Henta 24.04.2024, frå <https://www.historielaget.jostedal.no/?page_id=696>

MLA:

Hoel, Oddmund L.. "Ti dokument 1636-1667 (avskrift 1823)." 14.12.2009. Jostedal historielag. Vitja 24.04.2024. <https://www.historielaget.jostedal.no/?page_id=696>

Publisert av Oddmund, 14.12.2009 (sist endra 05.08.2011)