Jostedal historielag

Du er her: Heim > Kyrkjehistorie > Kyrkjerekneskap > Statlege rekneskapar (1631-1722)

Statlege rekneskapar (1631-1722)

Kyrkjerekneskapane (kyrkjestolane) frå Jostedalen er ei av dei eldste kjeldene me har om kyrkja. Statsarkivet i Bergen har rekneskapane frå tida medan det framleis var kongen (staten) som åtte kyrkjene. Rekneskapane inneheld årvisse oversyn over utgifter og inntekter, og dessutan inventarlister.

Protokollane vart digitaliserte og publiserte i Digitalarkivet ved årsskiftet 2009/10.

1. Rekneskap 1631-1674
Kyrkjestolen for Luster prestegjeld vart ført frå og med rekneskapsåret 1631-32 etter påbod frå Jens Juel, lensherre over Bergenhus (brev frå Juel 6.9.1632 innteke fyrst i boka). Jostedal vert i dette brevet nemnt som anneks til Luster. Kyrkjerekneskapen for Jostedal kyrkje vart ført i denne boka til og med 1674 då ho var utskriven (side 163-174 i protokollen). Protokollen vart avlevert til Statsarkivet i Bergen i 1904.
Les protokollen i Digitalarkivet (side 157 i leseprogrammet)
Katalogoppføring

2. Rekneskap 1675-1722
Eiga rekneskapsbok for Jostedal kyrkje. Ho er ikkje utskriven og sluttar på det tidspunktet kyrkja vart auksjonert bort og seld (truleg 1723) til jostedalspresten Henrik Nitter.
Les protokollen i Digitalarkivet
Katalogoppføring

Jostedal historielag har kopi av Anne Marta Hoff si avskrift av utgiftene i kyrkjerekneskapane 1631-1722.

Merknad

Katalog over Kyrkjestolar i Statsarkivet i Bergen (Digitalarkivet) inneheld ei nyttig innleiing om kyrkjerekneskapa.

 Skriv | Send |

Kjeldereferanse

[løyn referanse]

APA:

Hoel, Oddmund L.. (2009). Statlege rekneskapar (1631-1722). Henta 09.09.2010, frå Jostedal historielag: http://www.historielaget.jostedal.no/?page_id=831

Chicago:

Hoel, Oddmund L.. 2009. Statlege rekneskapar (1631-1722). Jostedal historielag. http://www.historielaget.jostedal.no/?page_id=831 (vitja 09.09.2010).

Harvard:

Hoel, O 2009, Statlege rekneskapar (1631-1722), Jostedal historielag. Henta 09.09.2010, frå <http://www.historielaget.jostedal.no/?page_id=831>

MLA:

Hoel, Oddmund L.. "Statlege rekneskapar (1631-1722)." 28.12.2009. Jostedal historielag. Vitja 09.09.2010. <http://www.historielaget.jostedal.no/?page_id=831>

Publisert av Oddmund, 28.12.2009 (sist endra 08.01.2010)