Utvandring – ny side
Det er no komen ei ny side på nettstaden om den store utvandringa frå Jostedalen.
Publisert av Oddmund, 18. mai 2017 i Generell.
Kommentarar: ingen
Arbeidsplan for 2017
Vedteken på årsmøtet 5. mars 2017. Les meir »
Publisert av Oddmund, 6. mars 2017 i Arbeidsplanar.
Kommentarar: ingen
Årsmelding 2016 for Jostedal historielag
Godkjend på årsmøtet 5.3.2017. Les meir »
Publisert av Oddmund, 6. mars 2017 i Årsmeldingar.
Kommentarar: ingen
Årsmøte 5. mars
Det vert årsmøte i Jostedal historielag sundag 5. mars 2017 kl 19.00 på Jostedal hotell.
1. Vanlege årsmøtesaker.
2. Bluefjords A/S, Bluecloud A/S og lagring av bilete og data. Ved Edvin Brun. (Om Bluefjords)
3. Gamle bilete frå Jostedalen. Ved Oddmund Løkensgard Hoel. (Bileta som vart skanna i 2001, ligg no på nett, sjå her.)
4. Lettare servering.
Vel møtt til alle!
Publisert av Oddmund, 18. februar 2017 i Aktivitetar.
Kommentarar: ingen
Nytt hefte av lokalhistorisk årbok i sal
«Luster. Lokalhistorisk årbok» vart lansert i førre veke og er i sal. Det er det 7. heftet og det fyrste sidan 2011. Her er mykje variert stoff for historieinteresserte, frå middelalderætter i Sogn til motorbåten på Veitastrondvatnet og ein namneduk. Årboka er utgjeven av dei tre sogelaga i kommunen i samarbeid med Luster kommune. Sjå oversyn over alle nummer.
Publisert av Oddmund, 13. desember 2016 i Aktivitetar.
Kommentarar: ingen
Fossabrui opna
Svein Vigdal, Erling Bjørnetun og Sigbjørn Aasen. (Foto: Luster kommune)
Laurdag 17. september vart Fossabrui opna etter vølinga. Jostedal historielag har arbeidd med prosjektet i fleire år, og Kåre Reidar Aasen har gjort arbeidet. Det går inn i eit større arbeid med å setje i stand dei gamle ferdslevegane frå Døsen i Luster over Vigdalen og framover dalen heilt til Viva.
Sjå fleire gode bilete hjå Luster kommune
Publisert av Oddmund, 19. september 2016 i Aktivitetar, Ferdsel.
Kommentarar: ingen
Tur 12. juni: Fossen–Dalen–Flaumparken
Sundag 12. juni klokka 11.00 er det kulturhistorisk tur Fossen–Dalen–Flaumparken.
Turen startar ved Flaumparken i Fossøygjelet og går gjennom tunnelen til Fossabrui/jettegryter, vidare opp gamle Jostedalsvegen til garden Dalen – over Dalåsen g ned til Flaumparken. Turen tek 2-3 timar, avhengig av pausar og kulturelle innslag. Ta gjerne ein kopp kaffi i sekken.
Tilskipar er Jostedal historielag, og turen er ein del av Norsk Brefestival (sjå program på Jostedal signatur).
Vel møtt!
Publisert av Oddmund, 28. mai 2016 i Aktivitetar.
Kommentarar: ingen
Arbeidsplan for 2016
Vedteken på årsmøtet 23. februar 2016. Les meir »
Publisert av Oddmund, 1. mai 2016 i Arbeidsplanar.
Kommentarar: ingen
Årsmelding 2015 for Jostedal historielag
Godkjend på årsmøtet 23.2.2016. Les meir »
Publisert av Oddmund, 1. mai 2016 i Årsmeldingar.
Kommentarar: ingen
Presentasjon av stadnamn under marknadshelga
Under marknadshelga i Jostedalen 11.-12. juli vil Jostedal historielag presentere stadnamn i Jostedalen og Luster. Det store stadnamnprosjektet som byrja i 2002, er no på det næraste ferdig, og mange av dei registrerte stadnamna i Jostedalen er tilgjengelege på Internett. Interesserte vil gjennom marknadshelga kunne søkje og få rettleiing i bruk av namnetenesta i storsalen i samfunnshuset. Namna kan òg studerast på oppslegne kart.
Klokka 12.30 laurdag 11. juli vil historielaget fortelje om stadnamnprosjektet og opne utstillinga.
Våre nettsider om stadnamn er no oppdaterte og utvida. Her ligg òg rettleiing i bruk av namnebasen. Sjå særleg:
- Namnebasen til Fylkesarkivet | Rettleiing (av Randi Melvær)
- Stadnamnprosjektet 2002-2015
Publisert av Oddmund, 8. juli 2015 i Aktivitetar, Stadnamn.
Kommentarar: ingen